Metro Mumbai News

मुंबई (प्रतिनिधी ) :- गोरेगाव लिंक रोड येथील एसआरए प्रकल्पातील आपला हक्काचा फ्लॅट परत मिळवण्यासाठी वणवण भटकणाऱ्या एका ६५ वर्षीय ज्येष्ठ नागरिकाला बांगुर नगर पोलिसांनी तत्काळ दिलासा दिला आहे. वरिष्ठ पोलीस निरीक्षक रवींद्र आव्हाड यांच्या मार्गदर्शनाखाली पोलिसांनी त्वरित कारवाई करत संबंधित एजंटला बोलावून फ्लॅट खाली करण्याचे आदेश दिले, ज्यामुळे पीडित वृद्धाला मोठा आधार मिळाला आहे. ​ तक्रारदार हे अंदाजे ६५ वर्षांचे ज्येष्ठ नागरिक असून ते सध्या ठाणे येथे वास्तव्यास आहेत. गोरेगाव लिंक रोडवरील देवी कन्याकुमारी एसआरए सहकारी गृहनिर्माण संस्थेत त्यांचा फ्लॅट  आहे. त्यांनी हा फ्लॅट अनिल हेवी डिपॉझिटवर भाड्याने दिला होता. सदर एजंटने मागील ५-६ महिन्यांपासून त्यांना फ्लॅटचे भाडे दिलेले नाही. इतकेच नव्हे तर, ज्येष्ठ नागरिकाला फ्लॅट परत हवा असताना तो खाली करण्यासही एजंटने नकार दिला. पीडित ज्येष्ठ नागरिक गंभीर आजारी असून त्यांना उपचारासाठी पैशांची गरज असताना ही परिस्थिती ओढवली होती. फ्लॅट खाली न करता एजंट त्यांची दिशाभूल करत होता. ​अखेरीस, हताश झालेल्या या ज्येष्ठ नागरिकाने बांगुर नगर पोलीस ठाणे गाठ...

  मुंबई (प्रतिनिधी ) :- गुरुवार दि. २५ मार्च २०२६ रोजी उपनियंत्रक शिधावाटप ‘ड’ परिमंडळ, सांताक्रूझ (पूर्व) कार्यालयाच्या पथकाने जोगेश्वरी (पूर्व) परिसरात कारवाई करत घरगुती गॅस सिलिंडरचा साठा करून त्याचा व्यावसायिक वापर होत असल्याचा प्रकार उघडकीस आणला. मिळालेल्या माहितीनुसार, जोगेश्वरी (पूर्व) येथील लजीज शिक कबाब हॉटेलमध्ये घरगुती वापराचे गॅस सिलिंडर साठवून त्याचा व्यावसायिक वापर केला जात होता. या प्रकरणी अत्यावश्यक वस्तू कायदा १९५५ अंतर्गत अंबोली पोलीस ठाण्यात गुन्हा नोंद करण्यात आला आहे.  या कारवाईदरम्यान ४ घरगुती गॅस सिलिंडर जप्त करण्यात आले असून एकूण ३२,६४८/-  रुपयांचा मुद्देमाल ताब्यात घेण्यात आला आहे. या प्रकरणात वाहिद अमीन अत्तार याला अटक करण्यात आली आहे. सदर कारवाई शिधावाटप अधिकारी हरिष पटेल यांनी केली. ही कारवाई सहायक नियंत्रक अश्विन रोहिणीकर यांच्या नियंत्रणाखाली तसेच उपनियंत्रक भास्कर तायडे यांच्या मार्गदर्शनाखाली पार पडली. गॅसचा साठा, काळाबाजार किंवा गैरवापर आढळल्यास अधिक माहितीसाठी उपनियंत्रक भास्कर तायडे यांच्याशी संपर्क साधण्याचे आवाहन करण्यात आले आहे.

 मुंबई (प्रतिनिधी ) :- जोगेश्वरी पूर्व येथील अंबिका नगर परिसरात रामनवमी उत्सव 2026 यंदा मोठ्या उत्साहात आणि भक्तिभावात साजरा करण्यात आला. सकाळपासूनच परिसरात धार्मिक वातावरण निर्माण झाले होते. नागरिकांनी भगवान रामाच्या प्रतिमेची पूजा-अर्चा करत उत्सवाची सुरुवात केली. उत्सवाच्या निमित्ताने विविध सांस्कृतिक कार्यक्रमांचे आयोजन करण्यात आले होते. विशेष आकर्षण ठरले ते श्री ढोल-ताशा पथकाचे दमदार वादन. त्यांच्या जोशपूर्ण सादरीकरणामुळे संपूर्ण परिसर भक्तिमय झाला आणि उपस्थितांमध्ये उत्साहाची लाट उसळली. स्थानिक रहिवाशांनी मोठ्या संख्येने उपस्थित राहून कार्यक्रमाला उत्स्फूर्त प्रतिसाद दिला. शिस्तबद्ध नियोजन, नागरिकांचा सहभाग आणि उत्साही वातावरण यामुळे यंदाची रामनवमी अधिकच रंगतदार ठरली.

 मुंबई (प्रतिनिधी) :- गोरेगावमधील व्यावसायिक आणि सामाजिक क्षेत्रात गेल्या ३२ वर्षांपासून सक्रिय असलेले ‘श्वेता स्टुडिओ’चे संचालक दीपक सूर्यकांत जाधव यांची ‘मुंबई व्यापारी असोसिएशन’च्या मुंबई शहर संघटकपदी नियुक्ती करण्यात आली आहे. त्यांच्या नियुक्तीमुळे स्थानिक व्यापाऱ्यांचे प्रश्न सोडवण्यास गती मिळेल, असा विश्वास व्यक्त केला जात आहे. मुंबईतील व्यापाऱ्यांचे प्रश्न सोडवणे, तसेच स्थानिक भूमिपुत्रांना स्वयंरोजगारात प्राधान्य मिळवून देणे, ही दुहेरी जबाबदारी आता जाधव यांच्यावर सोपवण्यात आली आहे. त्यांच्या निवडीचे व्यापारी वर्तुळातून स्वागत करण्यात आले असून गोरेगावसह मुंबईतील विविध भागांतून त्यांचे अभिनंदन होत आहे. या नियुक्तीचे पत्र असोसिएशनचे अध्यक्ष अनिल फोंडेकर यांच्या हस्ते प्रदान करण्यात आले. मुंबईतील पत्रकार भवन येथे पार पडलेल्या कार्यक्रमात ही नियुक्ती जाहीर करण्यात आली.दीपक जाधव यांची सामाजिक व राजकीय क्षेत्रातील पार्श्वभूमीही उल्लेखनीय आहे. ते ‘लोकसेवा प्रतिष्ठान’चे अध्यक्ष, ‘जाधव हितवर्धक मंडळ’चे सचिव, तसेच मुंबई काँग्रेस (आय) पीसीसीचे सक्रिय पदाधिकारी म्हणून कार्यरत आहेत. त्या...

मुंबई :- कुर्ला येथील गांधी बालमंदिर हायस्कूलमध्ये विद्यार्थ्यांच्या तांत्रिक आणि वैज्ञानिक कौशल्यविकासाला चालना देण्यासाठी ‘स्टीम'- फ्युचरेस्टिक रोबोटिक लॅब’चे उद्घाटन उत्साहात पार पडले. युवा अनस्टॉपेबल यांच्या वतीने आयोजित या उपक्रमाचे उद्घाटन अनुभा गुप्ता, सत्यम, धनश्री, कला मस्ते आणि प्रदीप यांच्या हस्ते करण्यात आले. कार्यक्रमावेळी मुख्याध्यापक अनिल पांचाळ उपस्थित होते. यावेळी विद्यार्थ्यांसाठी रोबोटिक्स आणि आधुनिक तंत्रज्ञानाशी संबंधित विविध प्रात्यक्षिके सादर करण्यात आली. या प्रात्यक्षिकांमुळे विद्यार्थ्यांमध्ये उत्सुकता निर्माण झाली असून त्यांनी मोठ्या उत्साहाने सहभाग घेतला. नवीन लॅबमुळे विद्यार्थ्यांना विज्ञान, तंत्रज्ञान, अभियांत्रिकी आणि गणित (STEAM) या क्षेत्रातील ज्ञान प्रत्यक्ष अनुभवातून मिळणार असून त्यांच्या भविष्यासाठी ही सुविधा उपयुक्त ठरेल, असा विश्वास प्रमुख अतिथींनी व्यक्त केला. कार्यक्रमाच्या शेवटी मुख्याध्यापक अनिल पांचाळ यांनी सर्व प्रमुख अतिथी व आयोजकांचे आभार मानले. या कार्यक्रमास शिक्षक रत्नकांत विचारे, विश्वनाथ पांचाळ, अवधूत चव्हाण, अमोल जागले, घनश्याम जोश...

विलेपार्ले :- पार्ले स्पोर्ट्स क्लब दहीहंडी पथकाने महिलांचे सलग सात थर रचत विश्वविक्रम नोंदवला आहे. या कामगिरीची दखल World Record Book of India या संस्थेने घेत पार्ले स्पोर्ट्स क्लबला अधिकृत प्रमाणपत्र प्रदान केले.हिंदू नववर्षानिमित्त विलेपार्ले येथे आयोजित शोभा यात्रेदरम्यान पार्लेकरांच्या उपस्थितीत हा सन्मान सोहळा पार पडला. या वेळी वरून सरदेसाई आणि संजय उपाध्याय यांच्या हस्ते प्रमाणपत्र प्रदान करण्यात आले. कार्यक्रमाला जनसेवा समितीचे पदाधिकारी मिलिंद करमरकर आणि गिरीश कुलकर्णी उपस्थित होते. पार्ले स्पोर्ट्स क्लबच्या या ऐतिहासिक यशाबद्दल स्थानिक स्तरावरून अभिनंदनाचा वर्षाव होत आहे. ही माहिती सामाजिक कार्यकर्ते व महाराष्ट्र राज्य दहीहंडी गोविंदा असोसिएशनचे सदस्य शिवाजी खैरनार यांनी दिली.

  मुंबई :- सामाजिक न्याय व विशेष सहाय्य विभाग, महाराष्ट्र राज्य यांच्या वतीने आयोजित करण्यात येणाऱ्या आठव्या राज्यस्तरीय व्यसनमुक्ती साहित्य संमेलनासह ‘राष्ट्रपिता महात्मा गांधी व्यसनमुक्ती सेवा पुरस्कार २०२६’ या कार्यक्रमासाठी नशाबंदी मंडळ, महाराष्ट्र राज्यचे मुख्य संघटक-चिटणीस अमोल स. भा. मडामे यांची मुख्य समन्वयकपदी निवड करण्यात आली आहे. व्यसनमुक्ती क्षेत्रात सातत्याने केलेल्या कार्याची दखल घेत ही जबाबदारी मडामे यांच्यावर सोपविण्यात आल्याचे सांगण्यात येत आहे. त्यांच्या नियुक्तीमुळे नशाबंदी मंडळाच्या कार्याला राज्यस्तरावर मान्यता मिळाल्याची भावना व्यक्त केली जात आहे. दरम्यान, सदर कार्यक्रम २५ व २६ मार्च २०२६ रोजी मुंबई येथे आयोजित करण्यात येणार असून, विविध क्षेत्रातील मान्यवर उपस्थित राहणार आहेत. व्यसनमुक्तीबाबत जनजागृती, साहित्यिक चर्चासत्रे आणि उत्कृष्ट कार्य करणाऱ्यांचा सन्मान असे विविध उपक्रम या संमेलनात पार पडणार आहेत.

 मुंबई :- इनर व्हील क्लब ऑफ मुंबई अंधेरी यांनी कॅनोसा जीवन विकास केंद्राच्या सहकार्याने नुकतेच कॅनोसा कॅम्पस, अंधेरी येथे मोफत आरोग्य तपासणी शिबिराचे आयोजन केले. वंचित घटकांना मूलभूत आरोग्य सेवा उपलब्ध करून देणे हा या उपक्रमाचा मुख्य उद्देश होता. या शिबिरात डॉक्टर व वैद्यकीय स्वयंसेवकांनी सर्वसाधारण आरोग्य तपासणीसह सल्लामसलत केली. यामध्ये डोळे, दात व दमा यांसारख्या आजारांची विशेष तपासणीही करण्यात आली. एकूण १७८ लाभार्थ्यांनी या शिबिराचा लाभ घेतला असून, त्यापैकी १२१ जणांना मोफत चष्म्यांचे वितरण करण्यात आले. तसेच सर्वांना मोफत मल्टिविटामिन्स देण्यात आले. या उपक्रमाच्या यशस्वी आयोजनासाठी अध्यक्षा सोनाली तसेच सदस्य लतिका, जिग्नासा, शर्मिष्ठा, अर्चना आणि नीलिमा यांनी विशेष परिश्रम घेतले. या शिबिराला स्थानिक नागरिकांचा उत्स्फूर्त प्रतिसाद मिळाला. समाजकल्याण, आरोग्य जनजागृती आणि सेवाभाव यासाठी क्लबची बांधिलकी या उपक्रमातून पुन्हा अधोरेखित झाली. या उपक्रमासाठी डॉ. जैन व त्यांची टीम (ब्रह्माकुमारीज ग्लोबल हॉस्पिटल), एल अँड टी हेल्थ सेंटर, हिरन पांचाल - हेल्थकेअर चॅरिटेबल ट्रस्ट, डॉ. साहिल चव...